Teksa lufta në Lindjen e Mesme ka hyrë në javën e saj të dytë, Presidenti i SHBA-ve, Donald Trump, ka akuzuar Kryeministrin britanik Keir Starmer se po kërkon të “përfshihet në luftë pasi ne i kemi fituar ato”.
Trump shtoi prerë se “nuk kemi nevojë” për aeroplanmbajtëset e Mbretërisë së Bashkuar.
Këto komente vijnë pasi BBC ka mësuar se aeroplanmbajtësja britanike HMS Prince of Wales është vendosur në gjendje gatishmërie të lartë.
Përplasja mes Trump dhe Starmer në këtë moment tensioni maksimal është një tjetër sinjal alarmi për të ardhmen e arkitekturës së sigurisë globale.
Me deklaratën se nuk ka nevojë për aeroplanmbajtëset britanike, Trump po i thotë Londrës se SHBA nën drejtimin e tij nuk do të shpenzojë më asnjë cent për të mbrojtur interesat e të tjerëve, nëse ata nuk paguajnë ose nëse nuk rreshtohen verbërisht pas planeve të tij.
Për Keir Starmer, vendosja e HMS Prince of Wales në gatishmëri është një lëvizje për të treguar se Mbretëria e Bashkuar mbetet një fuqi globale. Por, kur partneri kryesor (SHBA) të nxjerr “jashtë loje” publikisht, kjo e lë Londrën në një pozicion shumë të brishtë diplomatik.
Sipas shtypit londinez ky është një mesazh i qartë që për Trumpin aleanca e vjetër “Special Relationship” do të jetë më shumë një marrëdhënie biznesi sesa vëllazërie.
m.aleksi / dita
Bota ne dor te nje adoleshenti 80 vjecar
Ai nuk eshte adoleshent,ai eshte nje psikopat sadist.Ai eshte i interesuar vetem per hegjemoni dhe nuk do te dije per vdekjen e femijeve dhe te popullsise se pafajeshme.Ai nok te dije se per manite e tij shkaterrohen qytete,shtete dhe u shkaterrohet jeta popullsise te ketyre vendeve.Nuk kuptoj se si populli Amerikan e lejon,te pakten per demin ekonomik qe i shkakton vete atyra.Sic shkruhet cdo dite Amerika shpenzon rreth 900 milion dollare per luften.Sikur keto para ti viheshin ne sherbim njerezimit …………