Sulmi ushtarak amerikan ndaj Venezuelës duket më pranë, pasi presidenti Nikolas Maduro mund të ketë refuzuar një ultimatum të Donald Trumpit për t’u larguar nga vendi për t’i hapur rrugë një qeverisjeje të re demokratike.
Mediat amerikane zbuluan se në një bisedë telefonike në fund të nëntorit, shefi i Shtëpisë së Bardhë i ofroi liderit venezuelian të linte menjëherë vendin bashkë me bashkëshorten dhe të arratisej në një vend aleat ku ai ka besim, si Irani.
Maduro i vendosi Trumpit disa kushte të parealizueshme, si amnesti globale për krimet për të cilat akuzohet dhe mbajtja e kontrollit mbi ushtrinë venezueliane.
Presidenti amerikan Donald Trump e konfirmoi të dielën bisedën telefonike me Maduron, por nuk dha detaje.
Pas kësaj telefonate, një avion i përdorur më parë nga Maduro fluturoi drejt Brazilit, vend që ndërmjetëson negociatat mes tij dhe Uashingtonit. Megjithatë, deri më tani nuk flitet për një arratisje të presidentit venezuelian.
Maduro është në listën e të shumëkërkuarve nga Uashingtoni për terrorizëm, pasi vendi i tij akuzohet si tranziti më i madh për drogën dhe klandestinët nga Amerika Latine drejt Shteteve të Bashkuara.
j.l./ dita
…. edhe Sadamin e Kadafin për armë kimike që nuk egzistonin kurrë I vrave ……
Maduro nuk eshte president i zgjedhur. Ai ka vjedhur me force me grusht shteti postin e presidentit. Ka derguar me mijra kriminele dhe grupe te organizuara banditesh dhe droge ne SHBA. Maduro ka debuar nga Venezuela me mijra banore dhe familje te tera. Offerta qe Presidenti Trump i beri atij keto dite, eshte nje oferte humanitare per te dhe familjen e tij, eshte njekohesisht oferte per kalimin paqesor te pushtetit ne duart e te zgjedhurve nga populli, eshte nje oferte per te mos derdhur gjak dhe Venezuela te shpetoje nga nje diktature qe ka shkaterruar vendin me te pasur te Amerikes Latine.