Mes tensioneve të rritura në ditët e fundit në Lindjen e Mesme, presidenti amerikan Donald Trump ka sugjeruar ndryshimin e emrit të Ngushticës së Hormuzit.
Duke pretenduar se SHBA-të zotërojnë kontrollin e plotë, ai ka propozuar në mënyrë surprizuese që ngushtica të mbajë emrin e tij.
“Tani që e kemi nën kontrollin e SHBA-ve a duhet ta ndryshojmë emrin nga Ngushtica e Hormuzit në Ngushticën e Trump-it???”, shkroi Trump në Truth Social.
Vetëm pak ditë më parë, Trump urdhëroi edhe ndryshimin e emrit të liqenit mes SHBA-ve dhe Kanadasë, nga Liqeni Ontario në Liqeni Amerikë.
Deklarata për Hormuzin vjen pas disa ditësh të nxehta me shkëmbime luftimesh.
Nga një sulm amerikan në Iran një natë më parë u vranë 5 persona që merrnin pjesë në një dasmë dhe u plagosën dhjetëra të tjerë.
Irani u kundërpërgjigj menjëherë, duke lëshuar një breshëri raketash dhe dronësh drejt bazave amerikane në Jordani, Bahrein, Kuvajt dhe Irak.
Më vonë gjatë ditës, Arabia Saudite tha se Irani sulmoi edhe një anije në Hormuz, duke vrarë dy marinarë.
j.l./ dita
