Menjëherë pas dorëheqjes së kryeministres britanike, Liz Truss, nuk ka munguar një reagim nga shteti rus. Teksa është mes luftës me Ukrainën, Rusia nuk lë asnjë zhvillim gjeopolitik t’i humbas.
Nëpërmjet një reagimi, Rusia është tallur me udhëheqjen “katastrofike” të Liz Truss duke e quajtur kryeministren në largim një “turp” për vendin e saj dhe “analfabete”.
Zëdhënësja e Ministrisë së Jashtme të Rusisë, Maria Zakharova tha: Britania nuk ka njohur kurrë një turp të tillë të një kryeministri në historinë e tyre.
Sa i përket cilësimit si analfabete, mediat e huaja shkruajnë se Zakharova i referohet vizitës së Truss në Moskë pak para se Rusia të pushtonte Ukrainën. Asokohe, Truss ishte ministre e Jashtme e Britanisë së Madhe.
Në një takim me ministrin e jashtëm të Rusisë, Sergei Lavrov, ajo u pa të ngatërronte dy rajone të Rusisë me Ukrainën, duke shkaktuar tallje nga diplomati rus dhe në emisionet televizive shtetërore ruse.
Udhëheqësja e konservatorëve dha dorëheqjen sot pas vetëm 45 ditësh në detyrë në një deklaratë jashtë Downing Street 10.
a.m/dita
Kjo Kryeministrja e Anglise ka mbrojtur realishte programin e saje ku te djathtet luftojn me shum per pasuri e pronaret e medhej mbeshteten gjithmon nga te Djathtet, Pore parardhesit e tjere mashtronin me ndonje leshim qe u bejne te majteve dhe qendronin gjat ne pushte.
Kjo u tegua e siqerte ne programin e se Djathtes real ndaj dhe nuk e mbajti pushtetin.