Të dhënat që besohet se përmbajnë adresat e emailit të më shumë se 200 milionë përdoruesve të Twitter janë shpërndarë në një forum hakerash, sipas BBC.
Informacioni i vjedhur përfshin adresat e emailit të përdorura për të krijuar llogari, gjë që do të krijojë shqetësim për përdoruesit që janë regjistruar me një adresë të pasigurtë.
Twitter nuk i është përgjigjur ende raportimeve për rrjedhjen e të dhënave, ndërsa Alon Gal i firmës së krimit kibernetik Hudson Rock, e cila zbuloi rrjedhjen, tha se ajo përmbante më shumë se 200 milionë adresa emaili.
Faqja e lajmeve teknologjike Bleeping Computer ka shkarkuar të dhënat dhe ka konfirmuar se adresat e emailit ishin të sakta për shumë nga profilet e listuara në Twitter.
Një studiues tjetër sugjeroi që shumë llogari në Twitter të shfaqen shumë herë, por numri i adresave unike të emailit të përfshirë është ende më shumë se 100 milionë.
j.l./ dita
