Akuzohet për ndërtim pa leje, dënohet poetja Mimoza Ahmeti

Poetja e njohur Mimoza Ahmeti është dënuar nga gjykata për ndërtim të paligjshëm.

Poetja deklaroi në proces se ishte duke riparuar banesën e dëmtuar nga tërmeti. Gjykata urdhëroi Ahmeti  të kryejë punë me interes publik për 40 orë.

Ajo u ul në bankën e të akuzuarve në Gjykatën e Tiranës për të dëgjuar rezultatet e hetimit nga prokuroria. Banesa për të cilën ishte proceduar ndodhet në Petrelë.

Më herët edhe këngëtari Bojken Lako u dënua për ndërtim pa leje.

Në karrigen e të akuzuarit presin për t’u ulur për të njëjtën vepër penale 30 shtetas të tjerë, emrat e të cilëve u dorëzuan si të pandehur nga prokuroria më e madhe në vend, ajo e kryeqytetit.

Për vitin 2022, janë shpallur fajtorë në Tiranë për ndërtim të paligjshëm 15 shtetas, që të gjithë qytetarë të thjeshtë. Asnjë nuk është ndërtues i njohur.

a.m/dita