Prokuroria e Posaçme pas kontrolleve të djeshme, ka sekuestruar një makinë luksoze që i përkiste biznesmenit Ergys Agasi. Kontrollet e SPAK nisën menjëherë pas arrestimit të Agasit në zonën e Plepave në Durrës.
Makina që shihet në foto me targa të personalizuara është modeli tip Land Rover Defender. Kjo makinë e cila ishte në kërkim është gjetur në garazhin e një prej vilave te “Equos Resort”.
Si u arrestua Agasi?
I shumëkërkuari nga SPAK për abuzimet me tenderët e AKSHI-t, Ergys Agasi, u arrestua nga policia në zonën e Plepave në Durrës, pasi u lokalizua fillimisht në Elbasan. Bashkë me të u prangos edhe ish-efektivi i policisë, Uljan Shpataraku. Agasi akuzohet se në bashkëpunim me Ermal Beqirajn, i arrestuar pak javë më parë në Francë, i cili krijoi një grup të strukturuar kriminal për manipulimin e tenderëve publikë përmes korrupsionit, dhunës dhe pengmarrjes.
Në kuadër të kësaj dosjeje, ish-drejtoreshës së AKSHI-t i është lehtësuar masa e sigurisë në “detyrim paraqitje”. Pas arrestimit të Agasit dhe ish-efektivit Uljan Shpataraku në Plepa të Durrësit, policia ushtroi kontroll blic me urdhër të SPAK-ut në banesën e Shpatarakut te “Liqeni i Thatë” për të sekuestruar prova elektronike e dokumente lidhur me dosjen e AKSHI-t.
j.l./ dita
Rama po perjeton Republiken e Salo,te Mussolinit.
Postoni komentin tim!