U arrestua se kaloi kufirin pa letra, 27-vjeçari tenton të varet në dhomat e paraburgimit të Korçës (EMRI)

Një ngjarje e rëndë është regjistruar ditën e sotme në Komisariatin e Korçës ku një person ka tentuar të vetëvritet.

Mësohet se një 27-vjeçar, i identifikuar si Antuanel Mila, ka tentuar të varet me batanije. Ai po qëndronte në një qeli paraburgimi, pasi ishte ndaluar nën akuzë se kishte kaluar pa dokumentacion kufirin, ndërsa është konstatuar nga punonjësi i shërbimit, që ka ndërhyrë duke e ndaluar.

Njoftimi i policisë:

Korçë/Informacion paraprak

Më datë 15.07.2022, rreth orës 13:05, në Komisariatin e Policisë Korçë, në dhomat e paraburgimit, ka tentuar të varë veten me batanije shtetasi A. M., 27 vjeç, banues në Tiranë, i arrestuar një ditë më parë si i dyshuar për veprën penale “Ndihma për kalim të paligjshëm të kufijve”.

Në momentin e tentativës për të varur veten është konstatuar nga punonjësi i shërbimit, i cili ka ndërhyrë menjëherë.

Aktualisht shtetasi A. M., ndodhet jashtë rrezikut për jetën. Grupi hetimor po punon për të sqaruar rrethanat e ngjarjes.

a.m/dita