Gjykata e Tiranës ka marrë vendimin këtë të premte dhe ka vendosur masën detyrim paraqitje për 7 protestuesit e mitur të ndaluarit gjatë protestës kombëtare të PD-së të zhvilluar më 10 shkurt.
Protestuesit u arrestuan nën akuzat për veprat penale “Goditja për shkak të detyrës”, “Plagosja e rëndë me dashje”, “Prishja e rendit dhe qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr” dhe “Kundërshtimi i punonjësit të rendit publik”;
7 protestuesit e ndaluar janë Rei Bogdani, Sindrit Peka, Joel Korbi, Kreshnik Kastrati, Zeni Guraj, Daniel Zekaj dhe Oresti Halilaj.
Nga incidentet e regjistruara në protestë u plagosën disa efektivë të cilët morën djegie në trup. Në spital mori ndihmë mjekësore dhe deputeti Bledjon Nallbati i cili u plagos në kokë nga policia.
j.l./ dita
