Vdes në spitalin e Traumës në Tiranë, 52-vjeçari nga Kuçova i cili u dhunua nga një 20-vjeçar teksa tentoi të vidhte pulat në shtëpinë e tij.
Ngjarja ka ndodhur mesnatën e 25 shkurtit kur 54-vjeçari Lefer Brisku u fut në banesën e familjes Shushari për të vjedhur pula, e pikërisht në atë moment, i riu e kapi dhe e dhunoi duke i shkaktuar fraktura të rëndë në kokë dhe në trup.
Edhe pse është dërguar menjëherë në spitalin rajonal të Beratit, e më pas është sjellë tek “Trauma” në Tiranë për mjekim më të specializuar, fatkeqësisht, Bicaku nuk i ka mbijetuar dot plagëve. Pas disa ditësh mjekim në spital, mesditën e sotme 52-vjeçari ndërroi jetë.
Për ngjarjen, Policia ka shoqëruar të riun që dhunoi barbarisht 54-vjeçarin, ndërsa ndaj tij rëndon vepra penale “Vrasja e kryer me kapërcim të kufijve të mbrojtjes së nevojshme”. Familja e të ndjerit ka kërkuar drejtësi për 52-vjeçarin, që sipas tyre u masakrua në mënyrë barbare nga i riu për dy pula.
m.b/dita
