GJKKO ka lënë në burg 30-vjeçarin, Kristi Bixhaku. I riu u ekstradua ditën e djeshme nga Holanda ndërsa është i dyshuar për një sërë veprash penale. Bixhaku mësohet së është edhe pjesë e bandës së Laert Haxhiut.
Ai ishte shpallur në kërkim ndërkombëtar, pasi Gjykata e Elbasanit i kishte caktuar masën “Arrest me burg”, për veprat “Shkatërrim i pronës me eksploziv”, “Sigurimi i kushteve material për të kryer vrasje”, “Grup i strukturuar kriminal” dhe”Kryerja e veprave penale nga grupi i strukturuar kriminal”.
Bixhaku në bashkëpunim me persona të tjerë ka siguruar lëndën shpërthyese që është vendosur në shtëpinë në shtëpinë e Bujar Turkut, në datë 31 dhjetor të vitit 2022. Po ashtu ai akuzohet edhe për sigurimin e kushteve dhe mjeteve materiale për të kryer vrasje ndaj Genci Hida. Kristi Bixheku, rezulton i ndaluar në 2021 si autor i dyshuar i vrasjes së Fridman Xhaferajt në Korçë, por që më pas u lirua pasi nuk u provua përfshirja e tij.
i.b./dita
