Kryeministri Edi Rama përmes një postimi në rrjetet e tij sociale ka konfirmuar emërimin e Ina Majkos si zëvendësministre e Shëndetësisë dhe Mbrojtjes Sociale.
Rama shkruan se emërimi i saj në këtë detyrë vjen pasi ajo ka spikatur në skuadrën socialiste të 11 majit, ndonëse nuk i siguroi dot votat për t’u bërë deputete.
Ai shton më tej se Majko si një përzgjedhje nga komuniteti Rom dhe si e para përfaqësuese e këtij komuniteti në nivelin e kabinetit qeveritar, ajo do të mbulojë çështjet e njerëzve më në nevojë të shoqërisë në fushën e Mbrojtjes Sociale.
Postimi i plotë:
Ina MAJKO është prurja e parë, ndër shumë të tjera në vijim të rrugës së re që hapi 11 maji, drejt Shqipërisë 2030 në Bashkimin Europian
Ajo sapo është zgjedhur zëvendës ministre e Shëndetësisë dhe Mbrojtjes Sociale, pasi ka spikatur në skuadrën e 11 majit, mes atyre që edhe pse nuk ia dolën të fitonin një vend në Kuvendin e ri, ishin një vlerë e shtuar e PS2030 në përfaqësimin e komuniteteve e të grupeve të ndryshme të interesit.
Ina erdhi në skuadrën tonë si një përzgjedhje nga komuniteti Rom dhe si e para përfaqësuese e këtij komuniteti në nivelin e kabinetit qeveritar në historinë e vendit, ajo do të mbulojë pikërisht çështjet e njerëzve më në nevojë të shoqërisë në fushën e Mbrojtjes Sociale.
Historia e Ina Majkos është historia e një fëmije të rritur mes paragjykimesh e vështirësish të mëdha ekonomike dhe historia e një vajze të talentuar, plot energji e vendosmëri për t’ia dalë, e cila jo vetëm kreu me rezultate të larta studimet jashtë vendit dhe flet pesë gjuhë të huaja, por edhe u bë një zë i bukur i komunitetit të saj në platformat sociale.
Uroj që Ina të jetë një vlerë e shtuar edhe në punën e Ministrisë së Shëndetësisë dhe Mbrojtjes Sociale, e një mbështetje më shumë për familjet e fëmijët në nevojë.
Kandidatja e Partisë Socialiste për deputete në qarkun e Vlorës, u emërua dje në detyrën e re me vendim të Këshillit të Ministrave. Ndërkohë nga kjo detyrë është shkarkuar nga detyra Niko Hyka, i cili mbante postin e zëvendësministrit të Shëndetësisë dhe Mbrojtjes Sociale. Gjatë takimeve të fushatës elektorale, kryeministri Edi Rama pati deklaruar emrin e Majkos si ministren e parë të qeverisë së ardhshme nëse fiton zgjedhjet e 11 majit.
j.l./ dita
Të lumtë Rama , je i madh , nuk t’a ha qeni shkopin , një veprim me përmbajtje të thellë demokratike .
Demagogji!
Kush ka shkelqyer e ka bere ndonje pune per tu marre shrmbull ga mimistret e zv.mimistret e zgjedhura nga Rama?
Ajo qe u padit se kishte abuzuar me tender gozhdesh, apo ajo qe merrte arka peshku per emerime, apo ajo qe abuzonte me fondet e BE pe bujqexine, apo ato qe i hoqen Bankersit gjoben 100 milionshe, ap..apo..apo..
Zoti na ruajt nga politikanet e qeveritaret shqiptare te cdo spektri, cdo periudhe e rrace.!!!!!
Nuk dua ta paragjykoj kete Majkon, por me tremb mbiemri saj qe rezuton si politikan qe mbillte e nuk korrte vetem zgerdhihej e servilosej.