Një operacion antidrogë po zhvillohet në këto momente në Tiranë, në rrugën “Mikel Maruli”. Burime bëjnë me dije se Policia e Tiranës ka arrestuar dy persona me 2 kg kokainë.
Policia po vijon operacionin me agjentët e antidrogës.
Njoftimi i policisë:
Tiranë/Transportonin 2 kg e 30 gramë kokainë, vihen në pranga 2 shtetas, shpallet në kërkim bashkëpunëtori i tyre.
Finalizohet operacioni i koduar “Furnizuesit”, për goditjen e veprimtarisë kriminale në fushën e narkotikëve.
Operacioni, i zhvilluar nga Seksioni për Hetimin e Narkotikëve, në bashkëpunim me Forcën e Posaçme Operacionale në DVP Tiranë, nën drejtimin e Prokurorisë së Tiranës.
Sekuestrohen 2 kg e 30 gramë lëndë e dyshuar narkotike kokainë, 5250 euro, 120.00 lekë të rinj, një automjet dhe 3 aparate celulare.
Specialistët e Seksionit të Hetimit të Narkotikëve të DVP Tiranë, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, bazuar dhe në inteligjencën informative, pas një pune të mirëfilltë hetimore, nën drejtimin e Prokurorisë, organizuan dhe finalizuan me sukses operacionin policor të koduar “Furnizuesit”.
Në kuadër të operacionit u bë arrestimi në flagrancë i shtetasve:
-I. B., 29 vjeç dhe N. D., 37 vjeç, të dy banues në Elbasan.
Gjithashtu, u shpall në kërkim bashkëpunëtori i tyre, shtetasi E. H.
Në rrugën “Mikel Maruli”, shërbimet e Policisë kanë lokalizuar automjetin me drejtues shtetasin N. D. dhe pasagjer shtetasin I. B. Gjatë kontrollit të automjetit u gjetën 2 pako me lëndë të dyshuar narkotike kokainë, me peshë rreth 2 kg e 30 gramë, të cilat u sekuesteuan në cilësinë e provës materiale, së bashku me automjetin, 5250 euro, 120.00 lekë të rinj dhe 3 aparate celulare.
Vijon puna për kapjen e shtetasit E. H.”, thuhet në njoftim!
a.m/dita
Pse nuk folni me emra konkrete apo duhet te vdesi dikush qe te jepni lajmin ne germa te medha.