Dy persona kanë përfunduar në prangat e policisë, të cilët në bashkëpunim me njëri-tjetrin siguronin lëndë narkotike, e ndanin në doza dhe më pas i shisni në zona të ndryshme të Tiranës.
Gjatë kontrollit të bërë në automjetin që drejtohet nga 46-vjeçari D.Sh, policia bën me dije se ka gjetur dhe sekuestruar kokainë. Më pas policia ka kontrolluar edhe servisin që posedohej nga 46-vjeçari, ku kanë konstatuar se në automjetin tip “Porsche” me drejtues 18-vjeçari A.H., ka gjetur kanabis të ndarë në doza, gati për shitje, si dhe një peshore elektronike.
Autoritetet e policisë theksojnë se nga verifikimet e kryera ka rezultuar se shtetasi A. H. dhe D. Sh., në bashkëpunim me njëri-tjetrin, pasi siguronin lëndë narkotike, e ndanin në doza dhe i shisnin ato në zona të ndryshme të Tiranës”.
Njoftimi i Policisë:
Specialistët e Seksionit për Hetimin e Narkotikëve të DVP Tiranë, në vijim të punës për goditjen e veprimtarive kriminale në fushën e narkotikëve, mbështetur dhe nga informacionet policore të siguruara, se shtetas të ndryshëm shpërndanin lëndë narkotike në kryeqytet, kanë vijuar kontrollet për identifikimin, kapjen dhe arrestimin e tyre.
Si rezultat i kontrolleve u godit 1 rast i kësaj veprimtarie kriminale dhe u arrestuan në flagrancë shtetasit:
– A. H., 18 vjeç, dhe D. Sh., 46 vjeç, të dy banues në Tiranë.
Shërbimet e Seksionit për Hetimin e Narkotikëve, në Rrugën e Elbasanit, kanë lokalizuar automjetin tip “Audi” me drejtues shtetasin D. Sh., në të cilin, gjatë kontrollit, gjetën një sasi lënde të dyshuar narkotike kokainë, e cila u sekuestrua në cilësinë e provës materiale.
Në vijim të veprimeve, gjatë kontrollit në një servis në posedim nga 46-vjeçari, në Mullet, shërbimet e Policisë kanë konstatuar automjetin tip “Porsche” me drejtues shtetasin A. H., në të cilin, gjatë kontrollit, gjetën sasi lënde të dyshuar narkotike kanabis, një pjesë e ndarë në doza, gati për shitje, si dhe një peshore elektronike, të cilat u sekuestruan gjithashtu në cilësinë e provës materiale.
Nga verifikimet e kryera ka rezultuar se shtetasi A. H. dhe D. Sh., në bashkëpunim me njëri-tjetrin, pasi siguronin lëndë narkotike, e ndanin në doza dhe i shisnin ato në zona të ndryshme të Tiranës.
Materialet procedurale i kaluan Prokurorisë, për veprime të mëtejshme.
