Zbardhet identiteti i 5 personave të arrestuar nga policia e Tiranës, si pjesë e një rrjeti që furnizonte me drogë, ekstazi, lokale në kryeqytet.
Raportohet se mes 5 personave të arrestuar pasi u kapën me 10 mijë doza ekstazi është dhe një vajzë.
Konkretisht pas hekurave ranë; Mithat Ramadani; Besnik Mujeci; Kalem Picari; Ambra Myftari, si dhe Daniel Avdija.
Grupi operonte kryesisht në zonën e Myslym Shyrit, ish-Bllokut dhe nëpër disa lokale në Tiranë.
Siç shihet nga fotot, ekstazitë ishin me logo të firmës së njohur të Louis Vuitton.
Mësohet se trafikantët duke shfrytëzuar pikun e sezonit turistik, i kanë kaluar dërgesat nëpërmjet linjave të transportit të udhëtarëve me autobus Prishtinë-Durrës.
Ndërkohë pasi dërgesa mbërrinte në Durrës, i transportonin me makina të marra me qira në Tiranë, por edhe në qytete të tjera bregdetare.
“Për arritjen e marrëveshjeve shpërndarësit e drogërave sintetike në Shqipëri, trafikantët kërkonin pagesa paradhënie si kapar, madje edhe lënien e automjeteve apo edhe të personave si kolateral. Ndërsa vendet e shkëmbimeve i lenin në vende publike më shumë qarkullim njerëzish”, thuhet në dosje.
“Mbi bazën e provave të siguruara gjatë hetimit, u organizua dhe finalizua operacioni policor i koduar “PUNISHER 2”, në kuadër të të cilit u vunë në pranga shtetasit: Mithat Ramadani 30 vjeç, Besnik Mujeci, 40 vjeç, të dy banues në Prishtinë, si dhe Kalem Picari, 24 vjeç, Ambra Myftari 28 vjeçe, dhe Daniel Avdija 26 vjeç, të tre banues në Tiranë.
Shtetasit e arrestuar janë lokalizuar në kryqëzimin e rrugës “Myslym Shyri” dhe “Sami Frashëri”, së bashku me dërgesën me lëndë të dyshuar narkotike, prej 11,300 tabletash ekstazi MDMA, me peshë 5.093 kg dhe vlerë tregu rreth 400 mijë euro.
Nga hetimet ka rezuluar se këta shtetas, duke shfrytëzuar fluksin e sezonit turistik i kalonin dërgesat nëpërmjet linjave të autobusave Prishtinë-Tiranë.
Pasi dërgesat arrinin në Tiranë, transportoheshin me autovetura të marra me qira në Tiranë dhe në qytete të tjera, kryesisht bregdetare, dhe vendet e shkëmbimit caktoheshin në vende publike me shumë lëvizje dhe fluks njerëzish. Për arritjen e marrëveshjeve me shpërndarësit e drogave sintetike në Shqipëri, trafikantët kërkonin pagesa paradhënie, ose edhe lënien e automjeteve si garanci.
Tabletat e ekstazisë MDMA, së bashku me një sasi lënde narkotike kanabis, një automjet, si dhe 5 aparate celulare, u sekuestruan në cilësinë e provës materiale“, sqaron policia.
p.k\dita
