Gjykata e Vlorës ka caktuar masën e sigurisë për 7 për të arrestuar për përfshirjen në trafikun e drogës drejt Turqisë.
Idriz Meminaj 39 vjeç, Romir Meminaj 49 vjeç, Emanuel Meminaj 22 vjeç, Nertin Gjoni 39 vjeç, Xhuljano Gjoni 30 vjeç, si dhe Laurent Likaj, 37 vjeç dhe Altin Meçi, 50 vjeç, u lanë prapa hekurave nga gjykata e Shkallës së Parë në Vlorë.
Seanca për të shtatë personat e arrestuar ka nisur rreth orës 13 ndërsa ka zgjatur për gati 90 minuta. Gjykata ka pranuar kështu kërkesën e prokurorisë ndërsa seanca është drejtuar nga gjyqtare Eranda Cufo.
Një operacion antidrogë i zhvilluar gjatë natës, deri në orët e para të mëngjesit të së martës shkatërroi një grup kriminal të trafikimit të kanabisit në Vlorë. 500 kilogramë kanabis janë sekuestruar si rezultat i këtij operacioni, sasi e cila do të dërgohej drejt Turqisë. Sasia e lëndës narkotike ishte ndarë në 34 pako të madhësive të ndryshme. Dy furgona dhe dy automjete janë sekuestruar, gjatë operacionit, ku morën pjesë edhe forcat RENEA dhe FNSH. Gjatë kontrolleve të banesave të autorëve, janë gjetur dy armë zjarri, katër automjete dhe 8 celularë
p.k\dita
