Një situatë skandaloze ka ndodhur në Qendrën Spitalore Universitare “Nënë Tereza” në Tiranë, ku pas ndërprerjes së energjisë elektrike, pacientëve në repartin e reanimacionit u është rrezikuar jeta.
Disa pamje që qarkullojnë në internet tregojnë momentin e kaosit, ndërsa shihen edhe pacientët të cilët transferohen me barela.
Ndërkohë për situatën ka reaguar edhe QSUT, e cila thotë se ndërprerja ka qenë e përkohshme dhe se aparaturat mjekësore jetike kanë vijuar të funksionojnë normalisht.
Spitali thotë se ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë.
Po ashtu, QSUT thotë se ka ngritur menjëherë grupin e punës për verifikimin e situatës.
Reagimi i QSUT
Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.
Falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.
Menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.
QSUT siguron qytetarët se situata është menaxhuar me përgjegjësi dhe profesionalizëm dhe se institucioni mbetet në gatishmëri të plotë, për të përballuar çdo situatë, në funksion të mbrojtjes së shëndetit dhe jetës së pacientëve.
QSUT ka ngritur menjehere grupin e punës për verifikimin e situatës.
j.l./ dita
Partitë politike shqiptare janë treguar të papërgjegjshme dhe kanë abuzuar detyrat që kanë me drejtimin e shtetit.
Ato janë bërë të padëshiruara dhe të jashtë ligjshme për shumicën e qytetarëve shqiptarë, kanë sjellë polarizimin e tejskajshëm të shoqërisë, pasurimin e grupeve përkatëse (bandave të tyre), varfërim shumicës së qytetarëve në mënyrë të vazhdueshme. Zgjohuni o njërëz, ngrihuni në protesta masive, pa pjesëmarrjen e asnjë force politike, sepse përvoja tregon veprimtarinë e tyre ekonomike, kriminale ndaj nesh prej 35vitesh.
Cfare mendimi ka Beqja dhe Velija qe spitali nuk paska nje generatore per ta furnizuare me energji? Po ato te Vlores te Kimetes cfare bejne? E sigurte qe KM do te fajsoje dike pa lidhje per kete situate ose nuk do te prononcohet sepse eshte I zene me pergjigjet e Trampit per 1 billion dollare.