Ramzan Kadyrov, lideri i Republikës Çeçene ka hedhur poshtë aludimet se kishte probleme me shëndetin.
Kanali zyrtar i mediave sociale i Kadyrov, aleatit të vendosur të presidentit rus, Vladimir Putin, shfaqi një video të mërkurën dhe hodhi poshtë raportet se ai ishte në gjendje të keqe shëndetësore.
I pyetur në lidhje me raportet se 46-vjeçari po trajtohej në një spital në Moskë, Kremlini tha këtë javë se nuk kishte asnjë informacion për këtë çështje.
Por një video e publikuar në kanalin Telegram të Kadyrov e tregon atë të ulur pranë shtratit të një njeriu që thuhet se është “xhaxhai ynë i dashur Magomed Abdulkamidovich Kadyrov” dhe duke i puthur dorën dhe kokën. Megjithatë, nuk tregohet qartë se kur është regjistruar kjo video e Kadyrovit, raporton Reuters.
“Lavdi i Plotfuqishmi, unë jam gjallë dhe shëndoshë dhe nuk e kuptoj fare pse do të bëhej bujë edhe në rastin e sëmundjes sime”, pyeti Kadyrov.
Mediat kanë raportuar se aleati i Putinit është në gjendje të rëndë shëndetësore.
j.l./ dita
