U përgjua duke folur me Veliajn? Reagon Grida Duma: Nëse preket ky dimension i medias, nuk do heshtim, as nëse bëhet fjalë për SPAK-un

Raportohet se prokuroret Dado dhe Dumani kane paraqitur disa përgjime audio të Veliajt nga paraburgimi, lidhur me intervistën e kryebashkiakut në emisionin Top Story.

“Në Top Story do të vijë Erion Veliaj, X, Y, nuk besoj se është habi, edhe s’kemi ndonjë arsye përse jo. Që të preket ky dimension në mënyrën e paduhur nuk mendoj se na takon të heshtim, qoftë edhe kur bëhet fjalë për SPAK-un” – thotë Duma.

Moderatorja shton se gjithsesi nuk ka folur direkt me Veliajn, por nuk do kishte asnjë çudi edhe sikur ta kishte bërë.

Grida Duma:

“Intervista kemi qenë bashkë Alban në studio, ka qenë ekskluzive për Top Story, e cila i është drejtuar redaksisë dhe jo mua nga zyra e shtypit të bashkisë, një nga rastet më protokollare të mundshme. Kur merret një intervistë flitet me autoren e emisionit, apo moderatoren.

Unë nuk kam për detyrë që t’i tregoj askujt ndonjë komunikim, por dua t’i tregoj publikut standardin moral me të cilin vendosim për të gjithë politikanët. Një gjë është e sigurt, që ne flasim me politikanët, s’do të kishte qenë asnjë çudi në rastin konkret me  Veliajn.

Unë jo e jo, as me zotërinë që është i vëllai, unë nuk e njoh fare dhe nuk ka folur as redaksia, por bashkia me redaksinë e Top Story. Por që në Top Story do të vijë Erion Veliaj, X, Y, nuk besoj se është habi, edhe s’kemi ndonjë arsye përse jo. Që të preket ky dimension në mënyrën e paduhur nuk mendoj se na takon të heshtim, qoftë edhe kur bëhet fjalë për SPAK-un.

Unë do të transmetoj me të njëjtin standard atë zbardhje të përgjimeve që është në të drejtën e SPAK. Le të bëjë çfarëdolloj përgjimi që e sheh të arsyeshëm sepse e di në cilën anë të drejtësisë morale qëndrojmë ne. Sepse e di nëse janë ato përgjime që janë që e di që janë, si do të jenë për Top Story dhe Top Channel dhe kredibilitetin.

Unë do të pres derisa të dalë ajo dosje, por unë dua t’i sqaroj publikut se komunikimi ka qenë me redaksinë, i kemi dërguar ne 5 pyetje, një herë me zë dhe pastaj i ka zbardhur dhe ia ka çuar përsëri redaksia bashkisë së Tiranës.

Nuk ka lëvizur zotëria asnjë pyetje shtesë që të ketë dashur të thotë që më duhet edhe kjo. Sigurisht që Erion Veliaj e ka në dixhiturën e vet që median do ta ketë pjesë të jetës së vet publike dhe e ka pasur sipas meje me një tepri të caktuar. Kjo është çështja dhe zgjedhja e tij se sa e do ai hapësirën mediatike.

Se sa e rëndësishme është hapësira mediatike në situate krizash politike këtë e tregon vetë realiteti.

I lutem regjisë për t’ua kujtuar edhe të tjerëve. Ka qenë një intervistë e shkruar me dorë nga Veliaj, në atë emision kemi pasur një jurist që tha se Olsi Dado është një prokuror që nuk mund të lëvizë nga çështja, duke e nisur me pyetjen tonë të parë, përse ti indimidon prokurorin duke e ditur që ke pasur konflikt interesi.

Nuk dua t’i rikthehem atij emisioni, se do t’i rikthehem kur ajo dosje të shfaqet për të treguar standardin në të cilin e bëjmë ne.

Nëse janë përgjime reale unë e di se çfarë mund të jetë thënë për Top Story dhe nuk mendoj se ka qenë çështje influence pozitive se e di çfarë ndodh me mua dhe me ne, por këtë do ta presim kur në të njëjtin wall të shfaqet ajo dosje dhe të mësojmë se çfarë është thënë për Top Story…”