Kryetari i Këshillit të Lartë të Prokurorisë Alfred Balla ka reaguar mbrëmjen e së mërkurës për akuzat e opozitës se emri i tij është në listën e aktivistëve të PS.
Në një reagim zyrtar për mediat, kreu i KLP-së shprehet se nuk e ka shkarkuar, parë dhe përdorur asnjëherë një aplikacionin për të cilin nuk e ka idenë se çfarë përfaqëson.
Sipas tij, të gjithë anëtarët e magjistratit janë të depolitizuar dhe nuk mund ta shkelin ligjin për tu bërë anëtarë apo aktivistë të një partie apo të merren me aktivitet politik gjatë mandatit.
Reagimi
Kryetari i KLP-së zoti Alfred Balla sqaron gjithë gazetarët e medias në lidhje me citimin e emrit të tij në të ashtuquajturën listë të aktivistëve të partisë Socialiste:
Në lidhje me këtë fakt që ai e konsideron të pa vërtetë, zoti Balla është vënë në dijeni nga media.Ai shprehet se nuk e ka shkarkuar, parë dhe përdorur asnjëherë një aplikacionin për të cilin nuk e ka idenë se çfarë përfaqëson.
Anëtarët e KLP-së, gëzojnë statusin e magjistratit dhe janë të depolitizuar e të departizuar dhe nuk ka sesi të shkelin ligjin të bëhen anëtarë apo aktivistë të një partie politike e kujtdo krahu qoftë, apo të merren me aktivitet politik gjatë mandatit kushtetues.
Ai inkurajon gjithashtu organet e drejtësisë të hetojnë dhe të gjejnë shpërndarësit e këtij lajmi të pavërtetë për të.
m.b./dita
