Tre të afër u plagosën nga granata sot në Prrenjas, teksa punonin tokën me bel. Olsi Elezi është 45-vjeçari që mori dhe plagë në këmbë, kur shpërtheu granata. U dëmtuan gjithashtu edhe 2 gra, kunata mes tyre. Ai u shpreh se ishin 4 persona duke punuar tokën kur ndodhi ngjarja, ndërsa nuk e mbante mend nëse kishte punuar atë pjesë të tokës më parë. “Ishim duke punuar plasi, nuk e mora vesh si plasi. Ishim 4 veta duke punuar me bel. Ishte toka e shtëpisë. Nuk e mbaj mend nëse kemi punuar më parë aty”, deklaroi ai teksa po merr trajtim në spital, ndërsa ndodhet jashtë rrezikut për jetën.
