Tri ditë pas plagosjes me thikë, kryetari i Bashkisë së Divjakës, Fredi Kokoneshi ka sqaruar para hetuesve se si ndodhi ngjarja në hyrje të institucionit që drejton prej vitit 2019.
Ndërsa ndodhet i shtruar pranë Spitalit të Traumës në kryeqytet, Kokoneshi ka deklaruar se pushimi nga puna i autorit të dyshuar të ngjarjes, Orgest Xhelili është bërë shkak për konfliktet e vazhdueshme midis tyre. Si Kokoneshi ashtu edhe shoferi i tij kanë deklaruar se gjithçka ka ndodhur në momentin kur kryebashkiaku po shkonte si zakonisht për në zyrën e tij në institucionin e Bashkisë.
Në këto momente, Xhelili i ka dalë përpara kreut të Bashkisë, duke e sharë dhe ofenduar për largimin nga puna. Pas këtij momenti, ai e ka qëlluar me thikë. Ka qenë ndërhyrja e shoferit që ka bërë të mundur që Kokoneshi t’i shpëtonte goditjeve të tjera me thikë. Si Kokoneshi ashtu edhe shoferi i tij, Gazmend Bullari ndodhen në spital jashtë rrezikut për jetën. Bullari ndodhet në reanimacionin e Spitalit të Lushnjës dhe mësohet se e ka kaluar gjendjen e rrezikut, ndërsa mbeti i plagosur më rëndë nga goditjet me thikë.
Si nisi konflikti
Ndërsa në zonën e Divjakës inxhinierët e IT-së thuajse mungojnë, prej 1 viti e gjysmë sipas burimeve, kryebashkiaku kishte shkarkuar nga detyra 46-vjeçarin. Kjo kishte bërë që midis tij dhe Kokoneshit të kishte konflikte të vazhdueshme, derisa ka kulmuar mëngjesin e së premtes me plagosje me thikë të drejtuesit të institucionit vendor. Gjatë gjithë kësaj kohe, ka pasur debate të vazhdueshme midis tyre, ndërsa Kokoneshi mësohet se i kishte premtuar 46-vjeçarit rikthimin në detyrë.
Gjykata e Lushnjës pritet të japë këtë të martë masën e sigurisë ndaj 46-vjeçarit, Orgest Xhelili. Seanca ishte parashikuar për të hënën, por ajo u shty për ditën e sotme për shkak se nuk kishte avokat mbrojtës dhe për të do të caktohet një avokat nga shteti. Mësohet se Xhelili e ka pranuar autorësinë e plagosjes së dyfishtë së kryetarit të Bashkisë dhe shoferit të tij. Gjithashtu, mësohet Orgest Xhelili ka deklaruar se pushimi nga puna si inxhinier në Bashkinë e Divjakës, ka qenë pikënisja e konfliktit.
Si ndodhi ngjarja
Ka qenë ora rreth 09:30, kur kryebashkiaku Kokoneshi po shkonte me makinë drejt zyrës së tij në Bashkinë e Divjakës, ndërsa atje është pritur nga 45-vjeçari, Orges Xhelili. Sapo Kokoneshi ka zbritur nga mjeti, kanë nisur debatet midis tyre dhe pas e ka qëlluar atë disa herë me thikë në pjesën e shpinës. Kryebashkiaku ka marrë të paktën katër plagë, të cilat fatmirësisht nuk i rrezikojnë jetën. Ndërsa ka hyrë për t’i ndarë, me thikë është sulmuar edhe shoferi i kreut t Bashkisë së Divjakës, i cili ka marrë disa plagë në pjesën e barkut. Menjëherë pas ngjarjes, forcat e rendit janë vënë në lëvizje, duke arrestuar autorin e dyshuar.
“Rreth orës 09:30, në afërsi të Bashkisë Divjakë, shtetasi Orges Xhelili, 46 vjeç, dyshohet ka goditur me mjet prerës, shtetasin Fredi Kokoneshi, me detyrë kryetar i Bashkisë Divjakë dhe shoferin e tij, shtetasin Gazmend Bullari, 45 vjeç. Të dëmtuarit janë transportuar menjëherë dhe po marrin ndihmë mjekësore, në Spitalin Rajonal Lushnjë. Falë veprimeve të shpejta operacionale të Shërbimeve të Policisë, është kapur dhe shoqëruar në Komisariat, për veprime të mëtejshme procedurale, shtetasi Orges Xhelili, si autor i dyshuar i plagosjes. Në vendngjarje ndodhen drejtuesit më të lartë të DVP Fier”, sqaroi Policia.
j.l./ dita
Si heqin nga puna njerezit pa motivacion? Kush ka thyer kodin e punes duhet te mbaje pergjegjesi administrative.
Po gruan pse ja hoqe nga puna,edhe me ate ke pasur debate? Perderisa i premtove se do e ktheje ne pune pse se bere ashtu si e hoqe ?
Ne se drejtesia do te thellohet, do te dalin shume ceshtje korruptive qe jane mbuluar deri tani.
Fakti që hoqi burrin nga puna dhe gruan ia transferoi tregon se ia ka bërë për inat.Ku janë këta k/bashkiakë në pronën e babait,që të bëjnë çfarë të duan me njerëzit ?Pse e largoi nga puna kur aty nuk ka inxhinjer IT?Në fushata këta kryetarë hajdutë flasin e premtojnë, pastaj sa zënë karriken vjedhin sa mundin dhe bëhen fodullë e arrogantë.Le të bëhet mësim kjo që ndodhi për të gjithë ata që largojnë pa të drejtë njerëzit nga puna.Puna është jeta është buka e fëmijëve.Shyqyr zotit që nuk pati humbje jete se më vjen keq për inxhinjerin pa për viktimat e sulmit nuk më vjen keq fare. Edhe shoferat e zyrtarëve të lartë fryhen si gjelat pas tyre.