Atentat me armë zjarri ndaj një personi në Durrës.
Ngjarja ka ndodhur ditën e djeshme në zonën e Plazhit në Durrës, ndërsa shënjestra e atentatit ka qenë shtetasi Akil Nerjaku.
Fatmirësisht Nerjaku nuk ka pësuar lëndime.
Nerjaku sapo ka zbritur nga një automjet tip “Benz” kur është qëlluar me armë, por nuk e ka kapur plumbi.
Dyshohet se është qëlluar me snajper.
Burime nga policia bëjnë me dije se mjeti Benz G-Class, ku ndodhej shënjestra e atentatit, nuk ishte në pronësi të tij, por të një personi tjetër me iniciale H.K. Automjeti rezulton i blinduar, çka me sa duket ka bërë që Nerjaku t’i shpëtojë plumbave.
Ndërkohë burime nga grupi hetimor bëjnë me dije se shkak i ngjarjes dyshohet të jetë prishja e pazareve të drogës dhe se ngjarja dje ishte një paralajmërim për Akil Nerjakun.
Ai rezulton i arrestuar për armëmbajtje pa leje disa vite më parë dhe është liruar më pas nga Gjykata.
Policia ka nisur hetimet për ngjarjen dhe ka marrë në pyetje Nerjakun, teksa nuk dihen rrethanat dhe motivet e krimit.
j.l./ dita
