Kreu i AKU në Shkodër, Gjekë Sokoli ka reaguar pas lajmeve se ai ishte në kërkim nga policia. Ai tha se është në detyre dhe se ka qenë në polici ku ka dhënë deklarimet e tij si drejtor i AKU dhe si qytetar.
Më herët u raportia se Sokoli ishte arrestuar pasi dyshohet se duke shpërdoruar detyrën, nuk ka evidentuar aktivitetet e paligjshme të një 55-vjeçari që tregtonte vezë.
55-vjeçari prodhonte dhe shiste nën emërtimet e markave të tjera vezë të pakontrolluara. Këto vezë prodhoheshin në një pulari të paregjistruar.
Reagimi i Gjergj Sokolit:
Në orët e drekës u informova nga mediat se jam në kërkim nga policia e Shkodrës. Aktualisht ndodhem në krye të detyrës në zyrën time. Doja të sqaroja të gjithë qytetarët se jam paraqitur në polici që në mëngjesin e kësaj të marte ku kam dhënë deklarimet e nevojshme. Jo vetëm si drejtor i AKU, por edhe si qytetar i Shqipërisë nuk ka shkelur asnjëherë ligjin. Sa i takon operacionit të zhvilluar në një nga subjektet e Qarkut Shkodër, u bëj me dije se kemi zhvilluar një monitorim të gripit të shpendit. Subjekti në fjalë rezultoi se nuk ka nipt aktiv dhe kjo do të thotë se është jashtë juridiksionit të AKU për të monitoruar ose inspektuar. Inkurajoj strukturat të kryejnë të gjitha veprimet e nevojshme proceduriale. Unë dhe institucioni që drejtoj do të jemi përherë në dispozicion të zbardhjes së vërtetës dhe zbatimit të ligjit.
Ndërkohë ka reguar edhe policia e Shkodrës ku thuhet se Sokoli është paraqitur vetë në komisariat dhe më pas është lënë i lirë.
Njoftimi i policise:
Shkodër / Informacion shtesë në lidhje me shtetasin Gj. S. të shpallur në kërkim policor, në kuadër të operacionit “Illegality”.
Shtetasi Gj. S., me detyrë Drejtor i AKU, Shkodër, i shpallur në kërkim policor, është vetëparaqitur në ambientet e DVP Shkodër. Pas deklarimeve të dhëna, ky shtetas është lënë i lirë.
a.m/dita
