Piano antike e vjedhur në vitin 2015 në Konservatorin e Parmës në Itali, e cila u soll në vendin tonë për t’u shitur, do t’i dorëzohet ditën e sotme autoriteteve italiane. Bëhet fjalë për ‘Clavikorda’ e shekullit të XVIII, pjesë e trashëgimisë italiane, e cila u gjet në një dyqan instrumentesh muzikore në Shqipëri.
Dorëzimi i saj është bërë nga Ministria e Drejtësisë, ministria e Kulturës për komandatin e Karabinierëve për trashëgiminë kulturore. Ministri i Drejtësisë Ulsi Manja tha se dorëzimi i pianos së shekullit të XVIII e cila ishte vjedhur ne Itali, u shpreh se është një shenjë e bashkëpunimit serioz me një vend mik që është Italia.
‘Është një shenjë e bashkëpunimit serioz me një vend mik që është Italia. Ne duam ta shtrijmë këtë bashkëpunim në të ardhmen pse jo për të bërë të mundur riatdhesimin reciprok të të gjitha veprave të trashëgimisë kulturore. Këto vepra të shkojnë aty ku ishin sepse janë pronë e popullit italian. Janë tregues i qartë i identitetit tonë kombëtar.’– tha Manja.
Ministrja e Kulturës, Elva Margariti, tha se lufta kundër trafikimit të objekteve të kulturës është prioritet.
“Një ceremoni shumë simbolikë. Jo se është akt i vogël por ka simbolikën e një bashkëpunimi në shekuj. Jemi këtu sot të lidhur përmes trashëgimisë kulturore, e cila nuk i përket vetëm Italisë por gjithë botës. Është e rëndësishme që të vlerësojmë këtu sot të gjithë punën që është bërë. Ne kemi një prioritet në ministri që është lufta kundër trafikut të objekteve kulturore. Italia është partner strategjik për ne”, tha ajo.
a.m/dita
Si zgerdhihet KURVILVA.Nuk kemi degjuar te sjellesh ne Shqiperi ndonje artefakt te grabitur qe fle ne muzete e botes dhe rrefehet si pasuri e lashte e Greqise apo ndonje shteti tjeter.Qellimi i ushtareve te JANULLES,me bekimin e pakufishem te qeverise antishqiptare qe na drejton,eshte te rrenojne trashegimine tone kulturore pervec mbajtjes larg te shqiptareve ne akses te te mirave publike dhe ekonomike sepse keshtu shqiptaret mendojne vetem per thesin e miellit serb qe do marrin per voten cdo dy vjet.Ushtria e JANULLES dhe VUKAKES eshte ne funksion te plote te zhberjes se Shqiperise sepse RAMUTIT nuk ja ndjen nese do ekzistoje pas 20 vitesh apo jo.