“Do ta ndjekim procesin gjyqësor në Itali që drejtësia të shkojë në vend”, kështu është shprehur ministri i Brendshëm Taulant Balla gjatë vizitës së tij në banesën e Klajdi Bitrit, 23-vjeçari nga Lushnja që u vra në Itali të dielën e kaluar.
Në një video shihen familjarët dhe vëllai i të ndjerit, i cili ka qenë dëshmitar i ngjarjes së rëndë. Ndërkohë babai i Klajdit ritheksoi se nuk heq dorë derisa të gjejë drejtësi për djalin e tij.
Ritet mortore për të riun Bitri u kryen në qytetin e tij të lindjes. Miq e shokë i dhanë lamtumirën e fundit. Bashkia e Lushnjes ka dhënë 5 mln lekë të vjetra për shpenzimet e varrimit të Klajdit.
I riu u vra nga një emigrant algjerian me një shtizë peshkimi teksa po përpiqej të shuante një sherr të mikut të tij italian.
