Kreu i Federatës së Futbollit të Ukrainës ka vendosur t’i bëjnë thirrje FIFA-s për të përjashtuar Iranin nga Kupa e Botës “Katar 2022”, që do të zhvillohet në nëntor të këtij viti.
Është vazhdimi i një ankese, që u ngrit nga Shakhtar Donetsk pak ditë më parë, në të cilën kërkohet që iranianët të qëndronin jashtë eventit të madh të Botërorit. Megjithatë, me atë rast, Serhiy Palkin, bëri thirrje që Ukraina të zërë vendin e Iranit. Ndërkohë që me këtë rast, Federata e Ukrainës nuk e ka kërkuar një gjë të tillë.
Arsyeja? Ata argumentojnë se Irani po furnizon Rusinë me armë dhe për këtë shkak ai shkel neneve 3 dhe 4 të statutit të FIFA-s, të cilat e angazhojnë FIFA-n të respektojë të drejtat e njeriut dhe të luftojë diskriminimin.
“Duke marrë parasysh informacionin e medias, në lidhje me manifestimet sistematike të shkeljeve të të drejtave të njeriut në Iran, të cilat mund të shkelin parimet dhe normat e Kartës së FIFA-s, duke marrë parasysh Rezolutën 2231 të Këshillit të Sigurimit të OKB-së për vendosjen e sanksioneve ndaj Iranit dhe përfshirjen e pretenduar të Iranit në Rusi. Agresioni ushtarak i Federatës kundër Ukrainës, (ne) apelojmë FIFA-n me një propozim për të shqyrtuar çështjen e përjashtimit të kombëtares iraniane nga Kupa e Botës FIFA. FIFA 2022”, thuhet në deklaratën e Federatës së Futbollit të Ukrainës.
a.m/dita
Po i shtojne shume dozat e humorit keta ukrainasit.