Ditën e djeshme, Gjykata e Elbasanit liroi nga burgu dy rusët Svetlana Timofevaa dhe Mikhail Zorin si dhe ukrainasin Fedir Alpatov, të akuzuar për spiunazh.
Timofeva dhe Alpatov do të qëndrojnë nën masën detyrim paraqitje dhe Zorin arrest shtëpiak.
Kjo masë do të jetë në fuqi deri në mbyllje të hetimeve.
Shtetasi ukrainas ka folur pas daljes nga burgu duke thënë se nuk mund të largohet nga vendi për shkak se autoritetet i kanë bllokuar pasaportën.
Ai thotë se nuk është një kriminel dhe se erdhi në Shqipëri pasi është i apasionuar pas vendeve ish-komuniste dhe ndërtesave të vjetra,
“Dua të marr makinën time, nuk mund të largohem jashtë vendit për shkak të pasaportës pasi ma kanë bllokuar, nuk jam një kriminel, kam ardhur këtu si i apasionuar pas vendeve ish-komuniste dhe ndërtesave të vjetra”, tha Alpatov pas takimit me avokatin e tij, Saimir Visha.
j.l./ dita
