Universiteti i Tiranës renditet i dyti në Kampionatin Ndërkombëtar të “Beach Volleyball”, që u organizua në Izrael.
Në këtë aktivitet sportiv ku morën pjesë 1 500 studentë nga 25 universitete ndërkombëtare, ekipi sportiv i vajzave të Universitetit të Tiranës, u rendit në vendin e dytë.
“Dëshirojmë të theksojmë që pjesëmarrja në Kampionatin Ndërkombëtar ASA Izrael (Shoqata Akademike e Sportit) ishte një mundësi e mirë jo vetëm për të shkëmbyer njohuri dhe për të ndarë eksperienca në zhvillimin e sporteve universitare në mbarë botën, por dhe një mundësi për të promovuar misionin dhe vlerat e Universitetit të Tiranës në fushën e sporteve. Falenderojmë ekipin e vajzave pjesëmarrëse në këtë aktivitet, profesorët dhe Departamentin e Edukimit Fizik dhe Sporteve pranë Universitetit të Tiranës për angazhimin në rritjen e ndërgjegjësimit për rëndësinë e sportit në institucionet e Arsimit të Lartë”, bëjnë me dije autoritetet e Universitetit të Tiranës.
Autoritetet e Universitetit të Tiranës bëjnë me dije se ky institucion i arsimit të lartë publik në vend, do të vijojë të ofrojë një mbështetje të vazhdueshme për studentët, pasi shëndeti, mirëqenia dhe përvojat që ata fitojnë nga sporti i ndihmojnë të bëhen anëtarë aktivë në shoqërinë tonë.
p.k\dita
