SPAK i ka kërkuar Drejtorisë së Përgjithshme të Burgjeve të mbajë nën vëzhgim edhe 10 të burgosur të tjerë që dyshohen se komunikojnë dhe japin urdhra jashtë qelisë.
Sipas burimeve, aktualisht po shkëmbehet informacion mes Policisë së Shërbimeve Sekrete por edhe Drejtorisë së Përgjithshme të burgjeve që kanë në burgjet e sigurisë së lartë 10 të dënuarit që janë shpallur fajtorë në fushën e drogës dhe të vrasjeve.
Megjithatë nuk u dhanë më tepër detaje pasi operacioni sipas burimeve po kryhet nën sekret të plotë.
Deri më tani nën regjimin e ashpër 41 biss mbahen vetëm 7 të burgosur dhe të paraburgosur për të cilët sipas një hetimi në distancë i ngjashëm me këtë që po kryhet aktualisht, u mblodhën të dhëna se secili nga të burgosurit ishte i rrezikshëm dhe mbante komunikime me anëtarë të grupeve jashtë burgut.
Në 41 biss janë dy vëllezërit Klemend dhe Eldi Çala të arrestuar si anëtarë në megagrabitjen e Rinasit, një ngjarje që vijon të ketë në kërkim Talo Çelën.
Po ashtu nën regjim të ashpër dhe super të kontrolluar është edhe Arbër Çekaj, i dënuar me 14 vite burg për trafikimin e 613 kilogramëve kokaine. Së bashku me të në 41 biss është edhe Fatmir Pjetri i “Bandës se babagjyshëve” që u kap me Çekajn pas tentativës për t’u arratisur nga 313.
Si dhe Redjan Rraja nën akuzë për atentatin në aksin Tirane-Durrës si dhe dy vlonjatët Viktor Ymeri dhe Aleksandër Llanaj, njeri i kthyer në burg jo shumë kohë pasi i kishte lënë qelitë dhe tjetri për masakrën e Çoles.
a.m/dita
Me shpejte i mesojn gazetat tek ne urdhera qe jane dhe sekret,se sa policia qe eshte bere si tellallet e dikurshem qe njoftonin urdhrat e bashkise per kafshet.Munde te thuash pa frike qe eshte pasqyra e ketij shteti………
..
…
.
Eshte skandal, qe te publikohen te dhena sekrete me rendesi re veçante. Kjo praktike nuk ka te beje aspak me demokracine, te drejten per informimin publik, apo per fjalen e lire.
Ne praktike e tille duhet te ndeshkohet me ligj dhe perpara drejtesise duhet te shkojne si autoritetet e policise dhe prokurorise, qe i publikojne keto te dhena, por edhe mediat nuk duhet te bejne rolin e tellallit te dikurshem, duke thirrur me ze te larte: -Gazeta Tomorri! Blini gazeten Tomorri me lajme te reja!…
Rrumpalle hesapi, ndaj dhe kriminelet livadhisin. Drejtesia per keto vepra penale te dukshme eshte indiferente, qe nenkupton inekzistence.