Kryeministri i Kosovës, Albin Kurti ka uruar nga Vlora ditën e Pavarësisë së Shqipërisë, ku ishte bashkë me krerët e shtetit në ceremoninë e ngritjes së flamurit.
“Gëzuar shqiptarëve 28 nëntorin këtë festë të madhe të flamurit, të lirisë, të pavarësisë e të bashkimit për të gjithë shqiptarët në Shqipëri, në Kosovë, e kudo që janë në Ballkan e mërgatë nëpër botë”, tha Kurti pas një vizite në një ekspozitë.
Kurti theksoi se pas festimeve në Shqipëri do të kthehen për festimet në Kosovë, pranë varrit të Adem Jasharit, ndërsa festimet do të vazhdojnë edhe të mërkurën.
“Shqiptarët e kanë të përbashkët gjuhën dhe kulturën, e kanë të përbashkët historinë dhe ardhmërinë. E tashmja mbushet me kuptim pikërisht në këtë mënyrë ” tha ai.
“Nuk është sot dita të flasim për dallimet politike, për polemikat aktuale, sot jemi bashkë. Shqiptarët e kanë të përbashkët historinë dhe ardhmërinë dhe e tashmja mbushet me kuptim në këtë moment”, tha Kurti.
p.k\dita
