Manaferrat Goji janë një nga super ushqimet që kanë fituar më shumë popullaritet vitet e fundit.
Këto kokrra të vogla të kuqërremta kaluan pa u vënë re për një kohë të gjatë por tani mund të gjenden në shumicën e marketeve ushqimore.
E meritojnë plotësisht termin super-ushqim për shkak të vlerave të larta ushqyese. Janë të ngarkuara me vitamina dhe antioksidantë, komponentë thelbësorë për trupin, për të mbrojtur veten nga dëmtimi i radikaleve të lira.
Radikalet e lira janë të pranishme në trupin tonë dhe krijohen natyrshëm prej tij. Ato përshpejtojnë procesin e plakjes dhe kontribuojnë në një sërë problemesh shëndetësore. Manaferrat goji janë nga të paktat ushqime që ndërhyjnn në këtë proces, duke luftuar plakjen e parakohshme dhe duke promovuar lëkurën me pamje më të re.
Për më tepër, manaferrat goji ndihmojnë në ruajtjen e forcës së shikimit. Kjo ndodh sepse ato janë të pasura me zeaksantinë dhe luteinë, antioksidantë kyç në këtë fushë.
Megjithëse, ato nuk mund t’i kthejnë problemet e syve apo t’i kurojnë ato, janë një plotësues i mirë për të mbajtur shikimin në gjendje të mirë.
