Vajza e Nertila Osmanit dhe Arben Hoxhës, Dajana Osmani, sot 20-vjeçare, ka folur në lidhje live për emisionin ‘Pa gjurmë’, për të treguar se si u ndje kur dëgjoi dëshmitaren kur tha se i ati dyshohet që t’i ketë vrarë nënën dhe shoqen e saj.
“Për mua ishte si bombë. Dje kisha 20-vjetorin dhe prisja lajme të mira për mamin dhe papritur marr vesh se babai im mund të jetë vrasësi i nënës sime. Ne jetonim me shpresë dhe ajo shpresë na mbante gjallë. I drejtohem institucioneve të vënë dorën në zemër dhe të zbardhin ngjarjen. Për zonjën Enkeleida, ndoshta asaj i intereson më shumë figura e të vëllait, por mua më intereson më shumë gjetja e nënës sime dhe ajo nuk ka pse ndërhyn fare. Nëse babai im e ka bërë këtë gjë, nuk e di… nuk kam fjalë ta përshkruaj, duhet të jesh në këpucët e mia. Nga momenti i djeshëm, çdo gjë është kot”, tha vajza e Nertila Osmanit.
