Temperaturat në rritje kanë lënë gati 170 njerëz të vdekur në dy shtete veriore të Indisë ditët e fundit. Ndërsa turmat e njerëzve vërshojnë nëpër spitale, mungesa e burimeve mjekësore dhe ndërprerjet e përhapura të energjisë dhe ujit e kanë përkeqësuar situatën.
Sipas Departamentit Meteorologjik të Indisë, temperaturat e fundit kanë qenë vazhdimisht mbi mesataren, me më të lartat që kanë arritur në 43.5 gradë Celsius.
Mediat lokale dhe zyrtarët shëndetësorë raportuan se 119 vdiqën në shtetin Uttar Pradesh në veri të Indisë dhe 47 në shtetin fqinj Bihar. Shumë spitale janë mbipopulluar, me personel mjekësor që punon gjatë gjithë kohës, shkruajnë mediat e huaja.
Sipas Agjencisë së Shteteve të Bashkuara për Mbrojtjen e Mjedisit, vdekjet e lidhura me nxehtësinë shkaktohen kryesisht nga sëmundje potencialisht vdekjeprurëse, të tilla si lodhja nga nxehtësia dhe goditja nga nxehtësia. Megjithatë, valët e të nxehtit mund të shkaktojnë edhe sulmet në zemër, goditjet në tru dhe forma të tjera të sëmundjeve kardiovaskulare.
o.j/dita
