Kryetari i Partisë Demokratike, Sali Berisha bllokon sërish Foltoren e Kuvendit.
Së bashku me deputetët e PD-së, Flamur Noka, Albana Vokshi, Belind Këlliçi e të tjerë, i janë bashkuar Berishës pranë foltores.
Kjo ka bërë që Garda të vihet në gatishmëri.
Berisha dhe deputetët e PD-së, kërkojnë që në seancë plenare të jetë i pranishëm kryeministri Edi Rama, në mënyrë që zhvillojë mocionin me debat për çështjen e takimeve me ish-agjentin e lartë të FBI-së, Charles McGonigal.
Deputetë të Partisë Demokratike depozituan sot kërkesën për ndryshimin e Rendit të Ditës në Seancën e sotme Plenare. Ata kërkuan që seanca të niste me mocion me debat me kryeministrin Edi Rama për çështjen e takimeve të tij me ish-agjentin e lartë të FBI-së, Charles McGonigal.
Lindita Nikolla më pas deklaroi vendimin e marrë për këtë veprim të Berishës, duke e përjashtuar nga seanca.
“Jepet masa për zotin Sali Berisha; përjashtimin nga seanca plenare”, deklaroi ajo.
j.l./ dita
