Një alarm global është lëshuar për katër shurupe për kollën, pasi Organizata Botërore e Shëndetësisë (OBSH) paralajmëroi se ato mund të lidhen me vdekjen e 66 fëmijëve në Gambia.
Produktet ishin prodhuar nga kompania indiane ‘Maiden Pharmaceuticals’, e cila kishte dështuar të jepte garanci për sigurinë e tyre, shtoi OBSH.
OBSH i identifikoi ilaçet si solucioni Oral Promethazine, shurupi i kollës për fëmijë Kofexmalin, shurupi i kollës për bebe Makoff dhe Shurupi Magrip N Cold, shkruan BBC.
Katër produktet ishin identifikuar në Gambia, por “mund të jenë shpërndarë përmes tregjeve informale në vende ose rajone të tjera”, shtoi OBSH, në alarmin e publikuar në faqen e saj të internetit.
OBSH paralajmëroi se përdorimi i tyre mund të rezultojë në lëndime serioze ose vdekje, veçanërisht te fëmijët.
Ndërhyrja e OBSH-së erdhi pasi autoritetet mjekësore në Gambia, një destinacion popullor turistik, zbuluan një rritje të rasteve të dëmtimit akut të veshkave tek fëmijët nën moshën pesë vjeç në fund të korrikut.
a.m/dita
Jo po 666.