Vdekja e Jonadës, mbahet protesta e dytë para Ministrisë së Brendshme, njoftohet firmosja e një peticioni

Protesta e dytë pas vdekjes tragjike të 10-vjeçares Jonada Avdia në Himarë më 2 gusht, u mbajt dje në mbtëmje në kryeqytet.

Protestuesit u mblodhën para Ministrisë së Brendshme në orën 19:30 me parullat “Drejtësi për Jonadën”, e cila humbi jetën ndërsa pushonte me familjen në plazhin e Himarës, e goditur nga një skaf i drejtuar nga komisari i policisë, Arjan Tase.

Protestuesit kërkojnë dorëheqjen e ministrit të Brendshëm, Bledi Çuçi, ministres së Turizmit, Mirela Kumbaro dhe drejtorit të Policisë së Shtetit, Gledis Nano.

Në protestën e mëparshme ata vendosën një afat prej 72 orësh, ku kanë kërkuar nga Kryeministri Rama shkarkimin e dy ministrave dhe drejtorit, por duket se ky afat ka skaduar. Protestuesit njoftuan firmosjen e një peticioni.

Protesta mbështetet edhe nga opozita.

j.l./ dita