Një 60-vjeçar ka humbur jetën në Vlorë, pasi ka rënë nga një pallat në ndërtim. Ngjarja e rëndë ndodhi rreth orës 11:55, në lagjen “Uji i Ftohtë”, ku viktima i identifikuar si A.P., teksa punonte në një pallat në ndërtim, ka rënë aksidentaslisht nga lartësia. Policia njoftoi se pas hetimeve paraprake, arrestoi bashkëpronarin e pallatit në ndërtim, ku humbi jetën punëtori A.P., 60 vjeç, i cili ra nga lartësia ku po punonte. Në pranga ka rënë Maksim Hekurani, 70 vjeç. Po ashtu është arrestuar Altin Karalli, administrator i firmës së ndërtimit, ku ishte i punësuar viktima. Ndërtimi cilësohet i paligjshëm nga autoritetet, teksa ka pasur edhe mungesë të kushteve të sigurisë.
Pavarësisht transportit në spitalin rajonal, 60-vjeçari nuk ka arritur t’i mbijetojë plagëve të marra. Grupi hetimor po vijon veprimet për hetimin dhe dokumentimin e plotë të rrethanave të ngjarjes. Po hetohen drejtuesit e kompanisë për çështjen e sigurimit teknik dhe masave mbrojtëse, si dhe po pyeten punëtorët e tjerë si dëshmitarë.
