Kryebashkiaku i Tiranes, Erion Veliaj i bën thirrje opozitës që të mos bëjë politikë me jetën e qytetarëve. Duke marrë si shembull sjelljen e kandidatit të Sali Berishës për Bashkinë e Tiranës, me banorët e Pallatit nr.4 në rr. “Myslym Keta” pak ditë më parë, Veliaj tha se nëse ata do ishin ende në ato banesa, tërmeti i tre ditëve më parë mund të ishte kthyer në një fatkeqësi.
“I keni parë sondazhet, i keni parë bllokimet te Astiri, e keni parë pallatin nr.4, e keni parë “5 majin”?! Ata janë si ca nga fqinjët tanë, që shkojnë nga humbja në humbje dhe festojnë sikur është fitore. Jam i sigurt se edhe pas zgjedhjeve do të festojnë me të njëjtën mënyrë. Përtej shakasë: e vetmja ftesë që kam, jo vetëm për kandidatët që kanë dalë, por për të gjithë kandidatët, hajde të bëjmë debat, të diskutojmë temat dhe çështjet që i shohim ndryshe, por kjo kultura e sharjes, e vulgaritetit nuk shkon. Kjo kultura për përdorimin e njerëzve nuk shkon. Imagjno të kishte kandidat në një vend tjetër të botës dhe t’u thoshte njerëzve mos dilni nga pallati që është caktuar nga Instituti i Ndërtimit për t’u prishur. Nuk shkon, se tërmeti ndodhi përpara tre ditësh dhe po t’i kishte zënë brenda, po këta do të suleshin dhe do të thoshin i vrau Lali Eri me Edi Ramën. Në këtë sens, unë e mirëkuptoj fushatën, e mirëkuptoj si shkojnë nga humbja në humbje, humbasin tek “5 maji”, humbasin tek pallati nr. 4, humbasin tek Astiri, humbasin tek këndi i lodrave, humbasin tek sheshi, humbasin dhe flenë gjumë te teatri, humbasin tek të gjitha këto projekte, ajo është puna e tyre. Ka dhe fqinj këtu në rajon që festojnë vetëm humbjen. Ajo është një tipologji dhe mentalitet që s’e ndryshoj dot sepse është e tyre, por ajo që unë them është: mos u tallni me njerëzit, i merrni në qafë në kënde lodrash, në Astir, në bulevard, te “5 maji”, në pallate që janë për t’u prishur dhe pastaj i braktisni, dhe është detyra e Bashkisë së Tiranës për t’u kujdesur për ta. Politika si çdo gjë tjetër është me masë”, tha Veliaj në Report tv.
Kur i intereson Dites qe ti meshoj kazanit Politik, i lejon komentet per Veliajn,. Kur ai ben propagande Gebelsiane mbi Tiranen, si ne artikujt kryesor me siper. fap i c’aktivizon komentet.
Mire ky Erioni qe eshte komplet karagjoz, por po kthehet dhe Dita ne Karagjoze.
Zoterinj te Dites, ose i lejoni komentet ne te gjithe artikujt, ose i c’aktivizoni plotesisht kudo. Kjo nuk eshte aspak sjellje dinjitoze e nje Gazeterie te Pavarur. Une e di qe nuk jeni te pavarur, por te pakten mos ja beni mu fare.
Eshte kohe fushate Phoenix, mos prit me shume nga nje gazete “e pavarur” sigazeta Dita qe paguhet nga qeveria. Besoj se shumica e gazetareve te Dites bejne pjese ne qeveri dhe jane anetare te ( rilindjes ) PS-es.