Në turin e tij në Hanover dhe Bremen të Gjermanisë, kryebashkiaku i Tiranës, Erion Veliaj ka promovuar Zonën e Lirë Ekonomike, si një mundësi fantastike për ardhjen e kompanive gjermane në Shqipëri. Pas vendosjes në Tiranë e kompanisë prestigjoze gjermane Lufthansa Industry Solutions, duket se ka nisur një trend i ri i zhvendosjes së kompanive gjermane në vendin tonë, të cilat gjejnë një terren të favorshëm për të zhvilluar biznesin e tyre.
Në Bremen Veliaj u prit nga kryebashkiaku, Andreas Bovenschulte, si dhe deputeti i Parlamentit Europian, Joachim Schuster. Përmes një postimi në rrjetet sociale, Veliaj shkruan: “E mbylla udhëtimin tim të shkurtër në Gjermani me Joachim Schuster, deputetin e Parlamentit Europian dhe Bremenit, i cili theksoi lidhjen e fortë që ekziston mes popujve tanë. Faleminderit ish-kryebashkiakut të Bremenit, Carsten Sieling, për mbështetjen e tij të palodhshme”.
Më herët, Veliaj u takua edhe me zyrtarë të lartë të Rajonit të Hanoverit dhe anëtarë të Landtag-ut. Pas takimeve me Maximilian Schmidt, anëtar i Landtagut të Hanoverit, dhe Presidentin e Rajonit të Hanoverit, Steffen Krach, Veliaj thekson se qëndrimi i tyre është i qartë për anëtarësimin e vendeve të Ballkanit në BE.
“Faleminderit për mikpritjen miku im, Max Schmidt – anëtar i Landtagut të Hanoverit dhe një europian i palëkundur! Qëndrimi i tij është i qartë: BE-ja do të jetë e plotë vetëm me anëtarësimin e vendeve të Ballkanit”.
“Një vizitë e shkurtër në Gjermani, për t’u takuar me miq të mirë dhe për të kërkuar bashkëpunime të reja në Hanover dhe Bremen. Shumë i lumtur që takova edhe Presidentin e Rajonit të Hanoverit, Steffen Krach, dhe skuadrën e tij të mrekullueshme. Ju drejtoni me kreativitet dhe pasion!”, shkruan Veliaj.
Gjetja e bashkëpunimeve të reja ishte fokusi i vizitës së fundit të kryetarit të Bashkisë së Tiranës Erion Veliaj në Hannover dhe Bremen të Gjermanisë.
Ne Tirane kete mega-hajdut nuk ka kush t’a arrestojeeshte i veshur me “antriplumb” kunder ligjit dhe gjykateve, bashkevjedhja e fundit me Ed Drogen me plehrat eshte 480 milion euro.
BE te dhe Amerika te nxjerrin nje urdher nderkombetar arrestimi, ne vend te dhuratve t’i vihet byzylyku tek duart, cdo dite me vjedhjety fiton me shume se sa ka pas fituar El Chapo me droge.
Gjithe boten bredh ky mashtrues me milionat e qytetareve dhe nuk i thote njeri NDAL se po bredh kur shumica e qytetareve nuk kane rroga dhe pensione per te ushqyer femijet!