Ministri i Jashtëm rus, Sergei Lavrov, ka thënë se anulimi i vizitës së tij në Serbi, ka qenë i pashembullt.
Ai i ka bërë këto deklarata në një konferencë për media, pasi vendet afër Serbisë – Bullgaria, Maqedonia e Veriut dhe Mali i Zi – kanë mbyllur hapësirat ajrore për aeroplanin që planifikohej të dërgonte kryediplomatin rus të hënën në Beograd.
Lavrov ka thënë se homologu i tij serb, Nikolla Sellakoviq është ftuar në Moskë, dhe shpreson që udhëtimi i tij nuk do të pengohet.
Rusia ka fajësuar Perëndimin pasi Lavrov ka anuluar vizitën në Serbi.
Zëdhënësja e Ministrisë së Jashtme ruse, Maria Zakharova, e ka konsideruar vendimin “një tjetër kanal të mbyllur të komunikimit”, në disa komente që janë përcjellë nga agjencitë ruse të lajmeve.
Kremlini ka thënë të hënën se mbyllja e hapësirës ajrore ka qenë “veprim armiqësor”.
Zëdhënësi i Kremlinit, Dmitry Peskov, u ka thënë gazetarëve se një veprim i tillë mund të ndryshojë orarin e takimeve të nivelit të lartë diplomatik.
Megjithatë, Peskov ka thënë se kjo gjë nuk do ta pengojë Moskën nga mbajtja e kontakteve me shtetet mike.
Ministria e Punëve të Jashtme në Shkup ka konfirmuar për Radion Evropa e Lirë të dielën se Maqedonia e Veriut ka refuzuar kërkesën e Ambasadës së Federatës Ruse për shfrytëzimin e hapësirës ajrore të këtij shteti për fluturimin e avionit të ministrit të Jashtëm rus, i cili ka paralajmëruar se do të vizitojë Beogradin të hënën.
Kërkesa e Ambasadës Ruse është bërë pavarësisht se Maqedonia e Veriut më 28 shkurt ka vendosur sanksione ajrore ndaj Rusisë, pas pushtimit të Ukrainës më 24 shkurt.
Presidenca e Serbisë ka bërë të ditur se në vend të takimit të presidentit serb, Aleksandar Vuçiq me Lavrovin, lideri serb do të takohet të hënën me ambasadorin e Rusisë në Beograd, Aleksandar Bocan Harchenko.
Serbia, vend që ka lidhje të ngushta kulturore me Rusinë, e ka përballuar presionin për të marrë qëndrimin për luftën e Rusisë në Ukrainë dhe nuk u është bashkuar sanksioneve të Perëndimit kundër Moskës.
Serbia është krejtësisht e varur nga nafta dhe gazi rus.
Presidenti rus, Vladimir Putin dhe homologu i tij serb, Aleksandar Vuçiq janë pajtuar muajin e kaluar që Rusia të vazhdojë të dërgojë gaz natyror në Serbi, derisa disa shteteve u është bllokuar furnizimi për shkak se kanë refuzuar të paguajnë në rubla ruse./REL/
Duket se diplomacia po del jashte loje.
Do fitoje luften me i fuqishmi.
Problemi eshte: Cili do jete cmimi?
Duket se diplomcia po del jashte loje.
Cdo gje do vendoset ne fushen e betejes.
Cili do jete cmimi i dy protagonisteve kryesor, dhe Europes?
Nuk mund ta moderoj, po nuk me dhate, definacionin e “Komentit te moderuar”
Me vjen keq, qe nuk mundem ta gjej, se cila eshte; “priteshmeria e juaj”
A eshte ky qendrim nje kerkese per te “Mos komentuar”?
E kuptova. Duhet te perdoret stili i Anticensures 256…….. Kwte nuk mund ta bej.
Do e provoj, ne nje lajm tjeter te G.Dita, ne se konkluzioni im eshte i sakte.
Dicka ka ndodhur, por nuk jam ne gjendje ta ta kuptoj “se cfare eshte konkretisht”
Duhet te keni, besoj, nje aresye te fuqishme.
Shendet e gjithe te mirat, ne punen tuaj fisnike.
“?????????” = ?
Me ne fund e kuptova:
Duhet te shikohet nga redaksia, se mos ka dicka te pa pranushme, apo ofenduse per lexusit.
Me mire vone se kurre.