Bordi i Transparencës ka bërë të ditur çmimet e reja për shitjen e hidrokarbureve në vend. Çmimi i naftës është ulur me 6 lekë për litër, nga 229 në 223 lekë/ litri, ndërsa çmimi i benzinës është ulur me 5 lekë, nga 203 do të tregtohet me 198 lekë/litri. Ndërsa çmimi i gazit mbetet i pandryshuar në 78 lekë/litri.
Vendimet e Bordit të Transparencës në datë 1 Tetor 2022, janë si rezultat i levizjes së çmimeve në bursën Platts Mediteran dhe kursit të këmbimit.
Si rrjedhojë çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 223 lekë/litri, ndërsa i shitjes me shumicë jo më shumë se 211 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 198 lekë/litri,ndërsa i shitjes me shumicë jo më shumë se 186 lekë/litër.
Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.
( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).
Çmimet e caktuara nga Bordi do të hynë në fuqi sot datë 1 Tetor ora 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi i transparencës që ne krijimin e tij i është përmbajtur me përpikëmëri në vendimet e tij lëvizjes së bursës Platts të Mesdheut për gazoilin,benzinën, si dhe faturave zyrtare të operatoreve.
Ministria e Financës ndjen detyrimin të sqaroj opinionin publik se jo çdo lëvizje e bursës së naftës bruto reflektohet në të njëjtën kohë dhe në të njejtën masë në bursën e gazoilit dhe benzinës.
Theksojmë se Bordi nuk cakton çmimet e naftës Bruto, por të gazoilit, benzinës dhe gazit të lëngshëm sipas standardeve të përcaktuara në Aktin Normativ.
Bordi ka caktuar vetëm marzhet bruto maksimale për shitjen me shumicë dhe pakicë, me të cilat operatorët duhet të mbulojnë të gjitha shpenzimet operative.
Pra, vendimet që merr bordi dhe ndryshimi i çmimeve të shitjes lidhet vetem me ndryshimet në bursën Platts të Mesdheut për gazoilin dhe benzinës, pra jo të bursës së naftës bruto, si dhe në lëvizjen e kursit të dollarit.
Gjithë elementët e tjerë që formojnë çmimin janë fikse dhe për këto bordi nuk merr vendim.
Ministria e Financave dhe Ekonomisë është e angazhuar në mbrojtje të interesave të konsumatorëve shqiptarë dhe ruajtjes së parimeve të konkurencës së ndershme në treg.
Situata që po kalojmë nuk është zakontë, ndaj dhe vendimet që marrim, vijnë si përgjigjje e zhvillimeve të ekonomisë vendase, por edhe e lëvizjeve të tregjeve ndërkombëtare.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
a.m/dita
ska gjë monitoroni bursat
ne jemi në pritje të vendimit.
do ti rrjepim më falni do ti ulim çmimet e çdo gjëje dhe do rrisim më falni do ulim taksat.
gjithashtu komentimi te dita servilja jon më falni e saliut do bëhet me lek.
kaq kishim në rend të vrasjeve më falni në rend të ditës
Sot 1l nafte ne Shkoder = 229 leje ÷ 116 = 1.97€/litri. Ne Tivar(Bar) te Malit te Zi nafta 1.51€/l. Gjeta edhe me 1.46€/l. Por te themi ne vija te trashe, 40€cent me shtrenjte ne Shqiperi, e cila Ka edhe rezerva nafte te vetat. Modeste, por i Ka. Kurse Mali i Zi s’ka fare rezerva, megjithate atje kushton rreth 500 leke te vjetra me pak. Sot i preka te dyja cmimet. Qe do te thote se bordi i Trapsparences duhet shkrire urgjentisht, se nuk zgjidh asgje. Ne jemi shtet koti, si ai qe mban pula ne shtepi por vezet i ble ne pazar.
Sot 1 tetor, ne Asti Itali, litri I naftes 1.69 €.
bordi i transparencës është një bord që i shërben borgjezisë oligarkike të naftës që të rrjepi popullin shqiptar