Të gjithë telefonat inteligjentë dhe tabletët do të duhet të përdorin një karikues të përbashkët sipas një marrëveshjeje të përkohshme të Bashkimit Evropian të arritur të martën.
Plani do t’i detyronte të gjitha kompanitë – më së shumti Apple- të bëjnë telefonat, tabletët dhe kamerat dixhitale të përdorin karikuesin USB-C, njoftuan negociatorët.
Plani, i zbuluar vitin e kaluar, u miratua përkohësisht të martën dhe do t’u kursejë konsumatorëve rreth 250 milionë euro (267 milionë dollarë) çdo vit sipas Komisionit Evropian. Parlamenti Evropian dhe 27 vende të BE-së duhet të nënshkruajnë marrëveshjen.
Prodhuesit e telefonave dhe tabletëve do të duhet të pajtohen me vendimin deri në vjeshtën e vitit 2024. Laptopët do të kenë më shumë kohë për të bërë ndryshimin, me negociatorët që u japin prodhuesve të laptopëve 40 muaj kohë pasi rregullat e reja hyjnë në fuqi.
Propozimi fillimisht zemëroi Apple, i cili tha se do të reduktonte inovacionin. Por kompania aktualisht po teston modelet e ardhshme të iPhone që përdorin karikuesin USB-C. Modelet aktuale të laptopëve Apple përdorin tashmë karikuesin USB-C.
a.m/dita
