Mark Nika, xhaxhai i Aleks Nikës që mbeti i vrarë në protestën e 21 janarit, e quan në kundërshtim me ligjin vendimin e sotëm të Gjykatës së Lartë.
Në një reagim për media, Mark Nika shprehet se ‘në vrasjen e protestuesve ne dyshojmë se implikohen funksionarë të kohës dhe këta duhet ta bënte SPAK’.
“Për ne është i papritur si vendim. Akoma nuk e besojmë që gjykata e lartë të shprehet kështu. Ata kanë detyrim ligjor dhe kushtetues për shkak se gjykata e Strasburgut e ngarkon shtetin për ta hetuar çështjen për shkak se është krim shtetëror. Në vrasjen e protestuesve ne dyshojmë se implikohen funksionarë të kohës dhe këta duhet ta bënte SPAK. Ne do ta ndjekim deri në fund, kjo është rruga ligjore ne e konsiderojmë këtë vendim të gjykatës së lartë haptazi në kundërshtim të ligjit. Vendimi për 21 janarin është gur prove për drejtësinë e re“- tha xhaxhai i Aleks Nikës.
“Ky vendim është është dështim sepse nuk ka nevojë për hetim gjyqësor, ata duhet të shpreheshin në dhomë këshillimi”-e mbylli reagimin e tij Mark Nika.
Gjykata e Lartë vendosi ta shqyrtojë në seancë gjyqësore çështjen e tragjedisë së 21 janarit 2011. Vendimi u dha këtë të martë në dhomë këshillimi, pas rekursit të familjes Nika dhe konkretisht të bashkëshortes së Aleks Nikës, Rajmonda Nika, e cila gjatë vitit 2023 ka kundërshtuar në disa gjykata vendimin e prokurorëve të posaçëm që ia lanë çështjen për hetim prokurorisë së Tiranës.
Ky vendim i gjyqtarëve të lartë do të thotë që do të thirren palët dhe në një seancë që pritet të ketë përballë secilin pas dy javësh. Por të afërmit e Aleks Nikës, për vrasjen e të cilit prej 13 vitesh nuk ka asnjë të re nga hetimet e prokurorisë së kryeqytetit, thanë se SPAK, duhet të fokusohet në hetime edhe ndaj ish-ministrit të Brendshëm Lulzim Basha, ish-kryeministrit Sali Berisha dhe ish-komandantit të gardës, Ndrea Prendi.
Kur perandoria romane pat filluar tatpjeten, pikerisht tek shteti dhe drejtesia e shihte shkakun Agostino d’Ipona(filozof), dhe kumtonte: “Shteti ku drejtesia ka humbur respektin si è tille, nuk mund te jete gje tjeter perveçse nje bande hajdutesh”. Ky eshte nje realitet shteti tek ne. Bande hajdutesh! Po drejtesia? Thjeshte murr mbrojtes i keshtjelles politike te hajnisë. Ndrysh nga konstantimi i A. Iponës, qe flet thjeshte per “humbje respekti”, drejtesia te ne ngjall neveri. Neveri edhe per kete pozicionim te Gjykates te l’arte per rastin ne fjale.
Largimi me fuqin e drejtësis nga përgjegjsia ligjore bandat blu-roz të veshura me pushtete për vrasjet në bulevard, flet qart e bindshëm se reforma në drejtësi ka mbetur peng i bastardëve që shum shpejt do t’pergjigjen para drejtësis. Askush s’ka pushtet t’përdhos DREJTËSIN. Tik-tak-tik-tak