Urdhri i Donald Trump për pezullimin e ndihmës së huaj ka prekur edhe misionin amerikan OPDAT në Shqipëri.
Voxnews.al shkruan se një pjesë e mirë e ekspertëve amerikanë të këtij misioni që ishin vendosur nëpër institucionet shqiptare janë larguar.
Bëhet fjalë për personat dhe grupet e punës që kanë dhënë ekspertizën e tyre në fushën e ligjbërjes dhe ligjzbatimit, madje një pjesë e tyre kanë punuar edhe me reformën në drejtësi dhe vettingun.
Përfshirja e OPDAT me ekspertizë ligjore në Shqipëri është e zgjeruar, duke përfshirë këtu edhe institucionet e drejtësisë, sidomos strukturat e posaçme, Policinë e Shtetit dhe Agjencinë e Mbikëqyrjes Policore.
Ekspertët paguheshin nga Shtetet e Bashkuara të Amerikës përmes linjës së ndihmës së huaj për forcimin e institucioneve dhe shtetit ligjor në Shqipëri.
Por, urdhri i Donald Trump, që ka pezulluar fondet për këtë linjë për 90 ditë ka pezulluar edhe pagesat e ekspertëve.
Në këto kushte, ata janë larguar na institucionet shqiptare në pritje të një vendimmarrje përfundimtare që do të mbërrijë nga Uashingtoni.
j.l./ dita
Kane marre miliona, kane bere si Perendi dhe kane punuar pa piken e pergjegjshmerise, cdo gje lemsh, se fundja…vend i botes se trete.
Dhe tani do bohet më lëmsh dhe më keq se më përpara se administrata jonë sebashku me qeverinë si qeverite e kaluara ka të njëjtën mentalitet atë të korrupsionit, vjedhjes dhe shkaterimit dhe kjo administrate dhe qeveri e sotme do ti bjeri tani me top duke shfrytezuar situaten e sotme qe do jone jashtë kontrollit të SHBA-se si dhe nuk do kenë frikë nga SPAKU sepse nuk do kete fuqi ti ndalojë