Zëvendës kryeministri Arben Ahmetaj, deklaroi sot para gazetarëve se nuk do të ketë tatim mbi të ardhurat për biznesin e vogël.
“Një sqarim, nuk ndryshon asgjë për biznesin e vogël deri në vitin 2029. Ligji është organik dhe në çdo rast përmirëson procedurat por jo biznesin me tatim fitimi 0, pra nuk do të ketë asnjë ndryshim”, u shpreh ai.
Më tej shtoi se i vetmi ndryshim ka të bëjë vetëm me profesionet e licensuara.
“Në 2029 do ulemi sërish së bashku këtu dhe do mendojmë për më tej”, tha më tej Ahmetaj.
Ahmetaj foli edhe për vendimin që ka marrë qeveria për energjinë elektrike.
“Dua të ndaj kalimin e një vendimi të rëndësishëm për energjinë elektrike. Kaluam një draft marrëveshje që ka marrë formën e tillë, me Italinë. Ka të bëjë me qeverinë italiane për energjinë elektrike të të dyja niveleve në veriun e Shqipërisë. Është pjesë e 90 mln eurove të qeverisë Italiane, do të pasohet me një 30 mln euro në sektorin e bujqësisë, te peshkimi. Një 30 mln euro tjetër që ka të bëjë me emergjencat civile, e dedikuar për ngritjen dhe rifreskimin e flotave civile”, tha ai.
j.l./ dita
