Lajm i keq për Brenford dhe Ivan Toney, sulmuesi i “Bees”, aktualisht golashënuesi i tretë më i mirë në këtë sezon të Premier League, është pezulluar për 8 muaj për shkak të përfshirjes në bastet sportive.
Nëntorin e kaluar ai u akuzua për 232 shkelje midis 2017 dhe 2021 dhe muajin pasardhës ai u akuzua edhe për 30 shkelje të tjera. Lojtari e ka pranuar fajin për shumicën e akuzave.
Në një deklaratë për mediet, FA konfirmoi: “Ivan Toney është pezulluar nga të gjitha aktivitetet e futbollit, me efekt të menjëhershëm, për tetë muaj, deri më 16 janar 2024. Ai gjithashtu është gjobitur me 50,000 paund dhe është paralajmëruar për sjelljet e ardhshme.”
