Ndërhyrjet në sy dhe vendosja e lenteve për të moshuarit, tashmë po zhvillohen edhe në spitalet rajonale të vendit.
Pas Qendrës Spitalore Universitare “Nënë Tereza”, Spitalit të Elbasanit, Durrësit, Fierit dhe Vlorës edhe Spitali Rajonal i Korçës ka kryer me sukses ndërhyrjet në sy dhe vendosjen e lenteve, shërbim i cili ofrohet falas për të moshuarit.
Kështu, të moshuarve nuk do t’u duhet më të udhëtojnë drejt spitaleve të tjera të rretheve, apo kryeqytetit për të marrë këtë shërbim, duke shmangur në këtë mënyrë edhe rradhët e gjata në listat e pritjes.
Sipas të dhënave të deklaruara nga Ministria e Shëndetësisë dhe Mbrojtjes Sociale, janë mbi 13 mijë paketa të kataraktës që janë kryer për pacientët që nga viti 2019, kur kjo paketë e plotë nisi të ofrohej falas për të gjithë të moshuarit në spitalet publike.
p.k\dita
