Një atentat i mirë-organizuar pasditen e djeshme në mbikalimin e Fushë-Krujës la pas 3 të vdekur.
Brilant Martinaj, Diklen Vata dhe Arbër Hoxha u ekzekutuan me breshëri plumbash nga 4 persona ende të paidentifikuar, të cilët duket se vepruan si komando.
Nga breshëria e plumbave të zbrazur në drejtim të të rinjve, makina e tyre shpërtheu në flakë duke shkrumbuar totalisht Brilant Martinajn dhe Arbën Hoxhën.
Diklen Vata, i cili ishte pasagjer në pjesën e pasme të makinës me sa duket nuk u prek nga breshëria e plumbave dhe ka tentuar të largohet. Por autorët pasi e kanë parë të gjallë, janë rikthyer duke e lënë të vdekur në vend.
Në vendin e ngjarjes u gjetën më shumë se 60 gëzhoja plumbash. Plumbave nuk i shpëtuan as barrierat ndarëse të rrugës, të cilat ishin bërë shoshë.
Autorët pasi kryen krimin, dyshohet se në fshatin Larushk dogjën makinën e përdorur brenda së cilës u gjetën edhe 3 armë.
Pista kryesore ku është fokusuar grupi hetimor është larja e hesapeve dhe hakmarrja.
Brilant Martinaj, kushëriri i Ervis Martinajt dyshohet se ka qenë objektivi i atentatit. 23-vjeçari dyshohet si ekzekutor i dy policëve, efektivit të FNSH, Xhuliano Prel anë dhjetor 2020 dhe ish-policit Xhelal Reçi më 1 nëntor 2021 në Laç.
Saktësia në qitje, mënyra e daljes nga makina të tre në mënyrë simetrike ka ngjallur dyshimet e grupit hetimor se ekzekutorët mund të kenë qenë ish-pjesëtarë të forcave speciale. Kjo, nisur dhe nga organizimi tyre edhe nga qetësia e saktësia e veprimeve.
Armën automatike MP 5 mund ta përdorin vetëm pjesëtarë të forcave speciale për shkak të precizionit pasi është armë që vështirë mund të kontrollohet në qitje. Sipas hetuesve vetëm pjesëtarë të forcave speciale të RENEA, Reparti operacioneve speciale të ushtrisë edhe të GARDËS janë të aftë ta përdorin.
Policia ka shoqëruar më shumë se 10 persona të cilët mund të kenë informacione për ngjarjen, ndërkohë që ka vënë 3 milionë lekë të reja në dispozicion të kujtdo që ka informacione lidhur me ngjarjen dhe autorët e krimit që tronditi vendin.
o.j/dita
Pse “ish?A nuk mund te jete “Jane”?Arma perdoret vetem …Dakord.Po te ishin “ish”del se eshte arme e vjedhur dhe kjo eshte e verifikueshme nga numuri i armes.Ajo u gjete ne makinen e djegur.Keshtu bindeni se Jane ish.Vetem Nese eshte e trafikuar ,por kjo eshte si per “ish” dhe per “Jane”.Jane?Arma del me leje ,terhiqet kundrejt emrit dhe firmes.Beni kontrollin cilat arme Kane Dale ,kush i Ka terhequr,pastaj ekspertizen balistike.Eshte Edhe varianti trete,njesi speciale per eliminimin e elementeve kriminele me rezikshmeri te larte.Nese Jane keta ,kam nje kerkesen:-ceshte nje kriminel qe bredh lirisht dhe kercenon hapur “jam djali i Sali Lushes une”Ju lutem shume ,pastroni vendin nga ky plehre.Nuk do “tronditet “njeri
Se fosse vero…
Imagjinoni se ku kemi arritur, komandot punokan per kriminelet dhe amatoret per shtetin, qe prej muajsh nuk e gjente dot nje nga viktimat ne kerkim.
Tallash te grije mileti injorant dhe nuk e kupton se ktiminelet dhe pushteti jane nga jaku une.
Mjerim!
Jo mo Jo, vetem keta ushtaret e gardes dhe ushtaret me rroge ditkan ta perdorin MP5. Do jete placke e veshtire fare,e pakontrollueshme. Po mitrolozin dijne ta kontrollojne keta? Ne benim qitje me topa automatiche; pàskemi qene UFO. Nga menyra sesi kane dale nga makina qenkan te elites. Biles nga harxhimi i 60 fishekeve per 3 vete e kupton se qenkan qitesa te papare.