Max Verstappen nuk ndalet as në Hungari. Piloti holandez triumfoi edhe në garën e 11-të të Botërorit, duke u konfirmuar si “alieni” i Formula 1.
Edhe pse u nis i dyti pas Lewis Hamilton, 25-vjeçari i RedBull-it triumfoi në Hungaroring, duke regjistruar fitoren e shtatë radhazi. Dhe të nëntën gjatë këtij sezoni.Podi u kompletua nga Lando Norris (Mercedes) dhe shoku i tij i skuadrës, meksikani Sergio Perez. Hamilton e mbylli në vendin e katërt.
Ndërkohë që Ferrari dhuroi zhgënjimin e radhës. Skuderia italiane nuk shkoi më shumë se vendi i shtatë (Leclerc) dhe i tetë (Sainz).
Me suksesin e sotëm, Verstappen vazhdon të marshojë drejt titullit të tretë radhazi. Piloti i RedBull-it kryeson kampionatin me 280 pikë, 109 pikë më shumë se Perez i vendit të dytë.
Sezon përrallor ky për RedBull-in, që ka fituar 11 garat e këtij sezoni: Verstappen 9 dhe Perez 2. Duke barazuar rekordin e McLaren-it të Ayrton Senna dhe Alain Prost (1988).
